કલા ઉત્સવ - 2024 (QDC)

 

કલા ઉત્સવ - 2024 (QDC)

જી. સી. ઈ. આર. ટી ગાંધીનગર પ્રેરિત તથા જિલ્લા શિક્ષણ અને તાલીમ ભવન નવસારી દ્વારા આયોજિત QDC કક્ષાનો કલાઉત્સવ તારીખ 20/9/24 ને શુક્રવારના રોજ શેઠ એચ. સી. પારેખ નવસારી હાઇસ્કુલ નવસારી ખાતે યોજાયો હતો.  કલા ઉત્સવમાં યોજાયેલ વિવિધ સ્પર્ધાઓ પૈકી માધ્યમિક વિભાગમાં ચિત્રકલા સ્પર્ધામાં જેઠવા પરમ ઘનશ્યામકુમારે પ્રથમ ક્રમાંક , બાળ કવિ સ્પર્ધામાં ભટ્ટ હેલી હેમલે દ્વિતીય ક્રમાંક, સંગીત વાદન સ્પર્ધામાં પોલ ચિરાગ હરીશભાઈએ તૃતીય ક્રમાંક પ્રાપ્ત કર્યો હતો તથા ઉચ્ચતર માધ્યમિક વિભાગમાં યોજાયેલ વિવિધ સ્પર્ધાઓ પૈકી બાળકવિ સ્પર્ધામાં તાઈ ઈસ્માઈલ ઇમરાન પ્રથમ ક્રમ તથા ચિત્રકલા સ્પર્ધામાં મિસ્ત્રી ધાર્મીએ તૃતીય ક્રમ પ્રાપ્ત કરી શાળાનું નામ રોશન કર્યું હતું.

બાળ વિજ્ઞાન-ગણિત પ્રદર્શન

બાળ વિજ્ઞાન-ગણિત પ્રદર્શન

જી.સી.ઈ.આર.ટી ગાંધીનગર પ્રેરિત જિલ્લા શિક્ષણ અને તાલીમ ભવન, જિલ્લાશિક્ષણ અધિકારીશ્રીની કચેરી નવસારી માર્ગદર્શિત સ્વામી વિવેકાનંદ શાળા વિકાસ સંકુલ -1 સર સી.જે. એન. ઝેડ મદ્રેસા હાઈસ્કૂલ નવસારી દ્વારા આયોજિત ક્યુ.ડી. સી રાષ્ટ્રીય બાળ વૈજ્ઞાનિક પ્રદર્શન તારીખ 19 /9/ 24 ના રોજ મદ્રેસા હાઈસ્કૂલ નવસારી ખાતે યોજાયું હતું. જેમાં ખોરાક આરોગ્ય અને સ્વચ્છતા વિભાગમાં 'મિલેટ્સ સુપરફુડ' કૃતિ જેઠવા પરમ તથા યશ પરમાર દ્વારા રજૂ કરવામાં આવી હતી. જે કૃતિ એસ.વી.એસ કક્ષાએ પસંદગી પામી હતી . આ ઉપરાંત પણ અન્ય વિભાગોમાં  વિદ્યાર્થીઓએ ખૂબ સારી કૃતિ રજૂ કરી હતી.

    

જિલ્લા કક્ષા યુવા ઉત્સવ -2024

 જિલ્લા કક્ષા યુવા ઉત્સવ -2024

તારીખ 14/9/2024 ને શનિવાર ના રોજ કમિશનરશ્રી, યુવક સેવા અને  સાંસ્કૃતિક  પ્રવૃત્તિ વિભાગ ગાંધીનગર આયોજિત અને જિલ્લા યુવા અને સાંસ્કૃતિક પ્રવૃત્તિઓની કચેરી નવસારી દ્વારા સંચાલિત શ્રી સ્વામિનારાયણ ઇન્ટરનેશનલ સ્કૂલના સહયોગથી  આયોજિત જિલ્લા કક્ષાનો  યુવા ઉત્સવ સ્વામિનારાયણ હાઇસ્કૂલ   ખાતે  યોજાયો હતો.  યુવા ઉત્સવમાં યોજાયેલ વિવિધ સ્પર્ધાઓ પૈકી   'અ' વિભાગમાં યોજાયેલ  એકપાત્રીય અભિનય સ્પર્ધામાં  હેલી ભટ્ટ પ્રથમ ક્રમ  તથા ખુલ્લા વિભાગમાં યોજાયેલ વિવિધ સ્પર્ધાઓ પૈકી લોકવાર્તા સ્પર્ધામાં રેના શાહ તથા  સર્જનાત્મક કારીગરીમાં વંશ ટંડેલે  પ્રથમક્રમ પ્રાપ્ત કરી શાળાની યશકલગીમા વધારો કર્યો હતો.આગામી સમયમાં યોજાનાર ઝોન કક્ષાની સ્પર્ધામાં આ ત્રણેય વિદ્યાર્થીઓ જિલ્લાનું પ્રતિનિધિત્વ કરશે.

નેશનલ સાયન્સ સેમિનાર (NSS)

 

નેશનલ સાયન્સ સેમિનાર (NSS)

      રાષ્ટ્રીય વિજ્ઞાન સંગ્રહાલય, ભારત સરકાર આયોજિત અને ગુજરાત કાઉન્સિલ ઓન સાઇન્સ એન્ડ ટેકનોલોજી વિજ્ઞાન અને પ્રોદ્યોગિકી ગુજરાત સરકાર ગાંધીનગરના સહયોગથી આ વર્ષની નેશનલ સાયન્સ સેમિનારની જિલ્લા કક્ષાની સ્પર્ધા તારીખ 6 /9/ 2024 ના રોજ નવસારીના બી.આર.સી ભવન ખાતે યોજાઇ હતી. આ વર્ષના સેમિનારનો વિષય "કૃત્રિમ બુદ્ધિમતા: સંભવિતતાઓ અને ચિંતાઓ" હતો. આ વિષય પર નવસારી જિલ્લાની જુદી જુદી શાળામાંથી 20 જેટલા સ્પર્ધકોએ ભાગ લીધો હતો. જેમાં  ધોરણ નવમાં અભ્યાસ કરતી વિદ્યાર્થીની યશશ્રી રરાવિકરે  ખૂબ સુંદર રજૂઆત સાથે સમગ્ર જિલ્લામાં પ્રથમ ક્રમ પ્રાપ્ત કર્યો હતો.

તાલુકા કક્ષા યુવા ઉત્સવ -2024

 તાલુકા કક્ષા યુવા ઉત્સવ -2024

    તારીખ 30/8/2024 ના શુક્રવારે ના રોજ જિલ્લા યુવા અને સાંસ્કૃતિક પ્રવૃત્તિઓની કચેરી નવસારી દ્વારા આયોજિત તાલુકા કક્ષાનો  યુવા ઉત્સવ મદ્રેસા હાઈસ્કૂલ ખાતે  યોજાયો હતો.  યુવા ઉત્સવમાં યોજાયેલ વિવિધ સ્પર્ધાઓ પૈકી   'અ' વિભાગમાં યોજાયેલ 1. એકપાત્રીય અભિનય સ્પર્ધામાં  હેલી ભટ્ટ -પ્રથમ. 2. નિબંધ સ્પર્ધામાં  ખુશ્બુ મિસ્ત્રી- દ્વિતીય.  3. ચિત્રકલા સ્પર્ધામાં ધાર્મિ મિસ્ત્રી -દ્વિતીય. 4. હળવું કંઠ્ય સ્પર્ધામાં રેના શાહ - તૃતીય. તથા ખુલ્લા વિભાગમાં યોજાયેલ વિવિધ સ્પર્ધાઓ પૈકી 1. લોકવાર્તા સ્પર્ધામાં રેના શાહ -પ્રથમ. 2. સર્જનાત્મક કારીગરીમાં વંશ ટંડેલ - પ્રથમ. 3. ભજન સ્પર્ધામાં શાહ વિદુષી -દ્વિતીય. 4. તબલા સ્પર્ધામાં  ચિરાગ પોલ-  દ્વિતીય. 5. સમૂહ ગીત સ્પર્ધામાં અવની ગજ્જર અને એમની ટીમ - તૃતીય 6.લોકગીત સ્પર્ધામાં- માન્યા રાઠોડ - તૃતીય ક્રમ પ્રાપ્ત કરી શાળાની યશકલગીમા વધારો કર્યો હતો.

IQA સેલ દ્વારા આયોજિત 23 સ્પર્ધાનું આયોજન

 

IQA સેલ દ્વારા આયોજિત 23 સ્પર્ધાનું આયોજન

તારીખ 28/ 8/ 2024 ના બુધવારે એસ. બી. ગારડા કોલેજ  કોલેજ ઓફ આર્ટસ એન્ડ પી..કે. પટેલ કોલેજ ઓફ કોમર્સ નવસારી દ્વારા આઝાદી કા અમૃતમહોત્સવ અંતર્ગત IQA દ્વારા વક્તૃત્વ,  નિબંધ અને ચિત્રસ્પર્ધાનું આયોજન કરવામાં આવ્યું હતું. જેમાં ઉચ્ચતર માધ્યમિક વિભાગમાં અભ્યાસ કરતા વિદ્યાર્થીઓએ ભાગ લીધો હતો." હું તું નહીં પરંતુ આપણે શ્રેષ્ઠ બનવાનો માર્ગ" વિષય ઉપર 11કોમર્સની વિદ્યાર્થીની શેખ ઝેબા એ પોતાનું વક્તવ્ય રજૂ કરી દ્વિતીય ક્રમ પ્રાપ્ત કર્યો હતો. મનુષ્યના જીવન ઘડતરમાં "પુસ્તકોનુ યોગદાન" વિષય ઉપર નિબંધ લખી 11 સાયન્સની વિદ્યાર્થીની મિસ્ત્રી ખુશ્બુએ ઉત્કૃષ્ટ લખાણ લખી નિબંધ સ્પર્ધામાં દ્વિતીય ક્રમ પ્રાપ્ત કર્યો હતો. બંને વિદ્યાર્થીનીઓને રોકડ રકમ તથા સર્ટીફીકેટ તથા ટોકન ગિફ્ટ પ્રાપ્ત કર્યું હતું.  અન્ય ભાગ લેનાર વિદ્યાર્થીઓને પણ સર્ટિફિકેટ એનાયત કરવામાં આવ્યા હતા.

પ્રખરતા શોધ પરીક્ષાનું પરિણામ વર્ષ 2023 -24

 

પ્રખરતા શોધ પરીક્ષાનું પરિણામ વર્ષ 2023 -24

 

          માધ્યમિક શિક્ષણ બોર્ડ દ્વારા ધોરણ 9 ના વિદ્યાર્થીઓની પ્રતિભા બહાર લાવવા તારીખ 9 ફેબ્રુઆરીના રોજ પ્રખરતા શોધ કસોટી યોજાઈ હતી. રાજ્યના પ્રથમ 1000 વિદ્યાર્થીઓની યાદીમાં શાળાના ચાર વિદ્યાર્થીઓ (1) શાહ હર્ષ. એમ. 99.62 PR. (2) શાહ રૈના.પી. 99.56  PR.(3) ટંડેલ મૈત્ર.એ. 99.29  PR. (4) શાહ જશ.એસ.98.74 PR મેળવી શાળાનું  નામ રોશન કર્યું હતું. આ તમામ વિદ્યાર્થીઓને માધ્યમિક શિક્ષણ બોર્ડની માર્કશીટ, ડિમાન્ડ ડ્રાફ્ટ અને સર્ટિફિકેટ પ્રાપ્ત થયા હતા

BIS દ્વારા આયોજિત ઔદ્યોગિક મુલાકાત

 

BIS દ્વારા આયોજિત ઔદ્યોગિક મુલાકાત

તારીખ 30 /7 /2024 ના રોજ BIS દ્વારા આયોજિત ઔદ્યોગિક મુલાકાતનું આયોજન કરવામાં આવ્યું હતું.ખડસુપા  મુકામે આવેલી "sprint Water" જોવા માટે ધોરણ 10 ના 25 વિદ્યાર્થીઓને લઈ જવામાં આવ્યા હતા. આ કંપનીમાં શુદ્ધ પાણીની નાની મોટી પ્લાસ્ટિકની બોટલો કેવી રીતે બને,તેમાં પાણી કેવી રીતે ભરવામાં આવે,અને તેનું સીલીંગ અને પેકિંગ કઈ રીતે થાય તેવી તમામ માહિતીઓ જુદી-જુદી મશીનરીને જોઈને વિદ્યાર્થીઓએ મેળવી હતી. આ મુલાકાત વિદ્યાર્થીઓ માટે એક યાદગાર મુલાકાત બની રહી હતી.

ભારતનું અંદાજપત્ર

 

ભારતનું અંદાજપત્ર

તારીખ 23-7-2024 મંગળવારના રોજ નરેન્દ્ર મોદી સરકાર 3.0 ભારતના નાણામંત્રી શ્રીમતી નિર્મલા સીતારામન દ્વારા રજૂ થયેલ અંદાજપત્ર ધોરણ 12 કોમર્સના વિદ્યાર્થીઓને બતાવ્યું. અને એની ખૂબ જ વિસ્તૃતમાં ચર્ચા કરી હતી.

 

વિદ્યાર્થીઓની તબીબી તપાસ

 

વિદ્યાર્થીઓની તબીબી તપાસ

   

તારીખ :22/7/24 અને 23/7/24 ના રોજ શાળાના 469 વિદ્યાર્થીઓની તબીબી તપાસ કરવામાં આવી હતી. આરોગ્યની ટીમ તથા ડોક્ટર મનહર ગઢીયા અને ડોક્ટર રીંકલ ધુમ્મર દ્વારા દરેક વિદ્યાર્થીઓનું વજન,ઊંચાઈ, આંખની તપાસ, નખની તપાસ કરવામાં આવી હતી. પ્રશ્નોત્તરી દ્વારા સ્વાસ્થ્ય બાબતે માહિતી મેળવવામાં આવી હતી.

માધ્યમિક શિષ્યવૃત્તિ પરીક્ષા 2023-24

 

માધ્યમિક શિષ્યવૃત્તિ પરીક્ષા 2023-24

 

    રાજ્ય પરીક્ષા બોર્ડ ગુજરાત રાજ્ય ગાંધીનગર દ્વારા લેવાયેલ માધ્યમિક શિષ્યવૃત્તિ  પરીક્ષા 2023- 24 માં  ગત વર્ષે ધોરણ :9 માં અભ્યાસ કરતા વિદ્યાર્થીઓ 1. શાહ હર્ષ મેહુલકુમાર અને 2. પટેલ ઝેનિલ હેમંતભાઈએ ઉચ્ચ ગુણાંક સાથે મેરિટમાં સ્થાન પ્રાપ્ત કર્યું હતું . આ બંને વિદ્યાર્થીઓ મેરીટ પ્રમાણપત્ર તથા શિષ્યવૃત્તિને પાત્ર બન્યા હતા. શાળાને સિદ્ધિ અપાવનાર વિદ્યાર્થીઓને શાળા સંચાલક મંડળ,શાળાના આચાર્ય તથા શાળા પરિવારે દ્વારા અભિનંદન પાઠવવામાં આવ્યા હતા.

 

અલૂણાંપર્વ નિમિત્તે વિવિધ સ્પર્ધાઓનું આયોજન

 અલૂણાંપર્વ નિમિત્તે વિવિધ સ્પર્ધાઓનું આયોજન

       અલૂણાં પર્વ નિમિત્તે શાળામાં વિવિધ સ્પર્ધાઓનું આયોજન કરવામાં આવ્યું હતું જેમાં શાળાના 90 જેટલા વિદ્યાર્થીઓએ ઉત્સાહભેર  ભાગ લીધો હતો.તારીખ 16 /7 /2024 ના રોજ મહેદી સ્પર્ધા યોજાઈ હતી. જેમાં નિર્ણાયક તરીકે શ્રીમતી પાયલબેન પટેલે નિર્ણાયકની ભૂમિકા ભજવી હતી. તારીખ 19/ 7 2024 ના રોજ લગ્ન ગીત અને ભજન સ્પર્ધા યોજાઈ હતી. જેમાં શાળાની જ ભૂતપૂર્વ વિદ્યાર્થીની મહેક શાહે નિર્ણાયક તરીકેની ભૂમિકા ભજવી હતી. તારીખ 20/ 7/ 2024 ના રોજ સર્જનાત્મક કારીગીરીની સ્પર્ધા યોજાઈ હતી. જેમાં નિર્ણાયક તરીકે શ્રી રાજેશભાઈ ટંડેલે  ભૂમિકા ભજવી હતી. તારીખ 22 7 - 2024 ના રોજ એકપાત્રીય અભિનય અને વકતૃત્વ સ્પર્ધા  યોજાઈ હતી. જેમાં શાળાના આચાર્યશ્રી અમીષ સરે નિર્ણાયક તરીકેની ભૂમિકા ભજવી હતી. તારીખ 23 /7 /2024 ના રોજ એક મિનિટ રમત સ્પર્ધા યોજાઈ હતી જે સ્પર્ધાનુ સમગ્ર સંચાલન શ્રીમતી સજી જોય તથા જીતેન્દ્રભાઈ પટેલ દ્વારા કરવામાં આવ્યું હતું. દરેક સ્પર્ધાઓ વિશેનું માર્ગદર્શન આચાર્યશ્રી અમીષ મહેતા દ્વારા પૂરું પાડવામાં આવ્યું હતું.

ધોરાણ- ૧૧ વાલી મીટીંગ

 

ધોરાણ- ૧૧ વાલી મીટીંગ

શાળામાં ઉ. મા. વિભાગમાં અર્થાત ધોરણ 11 માં પ્રવેશ મેળવી, તેના અઘ્યનન કાર્ય નો એક મહિના જેટલો સમય ગાળો પૂર્ણ કરીને પોતાના શૈક્ષણિક લક્ષને પ્રાપ્ત કરવાની દિશામાં યોગ્ય મહેનતની શરૂઆત કરી જ દીધી છે, ત્યારે તેમના હવે પછીના આગળના અભ્યાસ પથની રૂપરેખાને ( વાંચન / લેખન માટેની સમજ, પરીક્ષા પદ્ધતિ ની બોર્ડની ગાઈડ લાઈન વિગેરે..)સ્પષ્ટ કરવા, શાળાના નીતિ નિયમોના પાલનમાં તેમજ કેટલીક જરૂરી વહીવટી કામગીરીઓમાં ( શિષ્યવૃતિ.. તથા નામ, જન્મતારીખ માં ફેરફાર વિગેરે..)એક આદર્શ વાલી ની ભૂમિકાની સ્પષ્ટ  સમજ મેળવી ,શાળાને સમયસર શ્રેષ્ઠ સહકાર    આપી શકાય, તે માટે જરૂરી માર્ગદર્શન આપવા માટે  અને ખાસ વિદ્યાર્થીઓને માટે  અભ્યાસ સંબંઘી ' ચિંતા નહીં ચિંતન' ના અમારા મૂળ ધ્યેય ને પ્રાપ્ત કરવા માટે શાળા દ્વારા તારીખ 19/7/24,શુક્રવાર ના રોજ સવારે 8.00 વાગ્યે જોખી ક્લચરલ હોલમાં ખુબ મહત્વની વાલી મિટિંગ રાખવામાં આવી હતી.

"સેવિંગ્સ એન્ડ ઇન્વેસ્ટમેન્ટ" વિષય ઉપર વક્તવ્ય

 

"સેવિંગ્સ એન્ડ ઇન્વેસ્ટમેન્ટ" વિષય ઉપર વક્તવ્ય

તારીખ 6-7-2024 ને શનિવારના રોજ ધોરણ 12 વાણિજ્ય પ્રવાહના વિદ્યાર્થીઓને તેમના વિષયનું પૂરતું જ્ઞાન મળી રહે એવા શુભ આશયથી શ્રી મિહિર જે દેસાઈ રિજીયોનલ હેડ, બરોડા બીએનપી પરીબસ, સુરત ને "સેવિંગ્સ એન્ડ ઇન્વેસ્ટમેન્ટ" વિષય ઉપર વક્તવ્ય આપવા માટે આમંત્રણ આપવામાં આવ્યું હતું. લગભગ 3 કલાક ચાલેલા આ કાર્યક્રમમાં છેલ્લે 45 મિનિટ વિદ્યાર્થીઓના પ્રશ્નો ની ગોષ્ઠિ રાખવામાં આવી હતી.

આજના સાંપ્રત સમયમાં જ્યારે મોંઘવારીએ માંઝા મૂકી છે એવા સંજોગોમાં આજના નવ યુવાનો પોતાના માતા પિતાની મહામૂલી આવકમાંથી કેવી રીતે બચત કરી રોકાણ કરી એના ઉપર સારું વળતર મેળવી શકે અને પોતાનું ભવિષ્ય ઉજ્જવળ બનાવી શકે એવો એક શુભ આશય આ કાર્યક્રમનો હતો.

શાળાના આચાર્ય શ્રી અમીશ મહેતાએ મિહિર દેસાઈ નું સ્વાગત કર્યું હતું.