પરીક્ષા પે ચર્ચા- 2025 કાર્યક્રમની ઉજવણી

 

પરીક્ષા પે ચર્ચા- 2025 કાર્યક્રમની ઉજવણી

તારીખ 10/ 2 /2025 ને સોમવારના રોજ માનનીય જિલ્લા શિક્ષણ અધિકારીશ્રી જયેશભાઈ ચૌધરી સાહેબની ઉપસ્થિતિમાં શાળાના વિદ્યાર્થીઓએ માનનીય વડાપ્રધાનશ્રી નરેન્દ્રભાઈ મોદી સાહેબનો કાર્યક્રમ પરીક્ષા પે ચર્ચા શ્રેણી નિહાળી આવનાર બોર્ડની પરીક્ષા તથા મૂંઝવતા પ્રશ્નોના નિરાકરણ માટેનું સુંદર માર્ગદર્શન મેળવ્યું.શાળાના આચાર્યશ્રી અમિષ મહેતાએ મહેમાનોનું સ્મૃતિ ભેટ અર્પીને સ્વાગત કર્યું. આ કાર્યક્રમમાં પરીક્ષા પે ચર્ચા કાર્યક્રમના જિલ્લાના નોડલ અધિકારીશ્રી  રજનીભાઈ મકવાણા સાહેબ તથા જિલ્લા શિક્ષણ અધિકારીશ્રીની કચેરીમાંથી પધારેલ એ.ડી.આઇ. શ્રી રોહનભાઈ ટંડેલ સાહેબ પણ ઉપસ્થિત રહ્યા હતા. જિલ્લા શિક્ષણ અધિકારીશ્રી જયેશભાઈ ચૌધરી સાહેબે પોતાના વક્તવ્યમાં જણાવ્યું હતું કે બાળકો પરીક્ષાના ડર માંથી કઈ રીતે મુક્ત થઈ શકે , તથા સખત પરિશ્રમ થકી ડાંગ જેવા અંતરિયાળ વિસ્તારનો વિદ્યાર્થી પણ આઈ.આઈ.ટી. જેવા ઉચ્ચ અભ્યાસમાં  મહેનત કરી કઈ રીતે આગળ વધી શક્યો છે તે અંગેનું સુંદર માર્ગદર્શન  પૂરું પાડ્યું હતું.

જિલ્લા કક્ષા કલા મહાકુંભ

જિલ્લા કક્ષા કલા મહાકુંભ

     જિલ્લા યુવા અને સાંસ્કૃતિક પ્રવૃત્તિઓની કચેરી નવસારી દ્વારા આયોજિત  જિલ્લા કક્ષા કલા મહાકુંભ સ્પર્ધા તારીખ 11/1/25 અને 12/1/25 ના રોજ સ્વામિનારાયણ ઇન્ટરનેશનલ સ્કુલ નવસારી ખાતે યોજાઇ હતી.  જેમાં  15 થી 20 વય જૂથની વિવિધ સ્પર્ધાઓ પૈકી નિબંધ સ્પર્ધામાં,

સુરતી આશિયાના મેજરબાને પ્રથમ ક્રમ ,એકપાત્રીય અભિનય સ્પર્ધામાં  મહેતા રાજવી કિન્નરભાઈ પ્રથમ ક્રમ,  દુહા છંદ ચોપાઈ સ્પર્ધામાં  ભટ્ટી નિધિએ  પ્રથમ ક્રમ, કાવ્ય લેખન સ્પર્ધામાં તાઈ ઈસ્માઈલ ઈમરાને દ્વિતીય ક્રમ, તથા સર્જનાત્મક કારીગીરીમાં 6 થી 14 વયજૂથમાં ટંડેલ ભવમે દ્વિતીય ક્રમ, 15 થી 20 વયજૂથમાં ભારતી પ્રહસે દ્વિતીય ક્રમ, લોકવાર્તા સ્પર્ધામાં રૂદાણી ત્રિશાએ તૃતીય ક્રમ પ્રાપ્ત કરી શાળાનું નામ રોશન કર્યું છે. પ્રથમ ક્રમ પ્રાપ્ત કરનાર ત્રણેય વિદ્યાર્થીઓ આગામી સમયમાં યોજાનાર ઝોન કક્ષાની સ્પર્ધામાં ભાગ લેશે.

જિલ્લા કક્ષા કલા મહાકુંભ સ્પર્ધા

જિલ્લા કક્ષા કલા મહાકુંભ સ્પર્ધા

     જિલ્લા યુવા અને સાંસ્કૃતિક પ્રવૃત્તિઓની કચેરી નવસારી દ્વારા આયોજિત  જિલ્લા કક્ષા કલા મહાકુંભ સ્પર્ધા તારીખ 11/1/25 અને 12/1/25 ના રોજ સ્વામિનારાયણ ઇન્ટરનેશનલ સ્કુલ નવસારી ખાતે યોજાઇ હતી.  જેમાં શેઠ આર.જે. જે. હાઈસ્કૂલે 15 થી 20 વય જૂથની વિવિધ સ્પર્ધાઓ પૈકી નિબંધ સ્પર્ધામાં,સુરતી આશિયાના મેજરબાને પ્રથમ ક્રમ ,એકપાત્રીય અભિનય સ્પર્ધામાં  મહેતા રાજવી કિન્નરભાઈ પ્રથમ ક્રમ,  દુહા છંદ ચોપાઈ સ્પર્ધામાં  ભટ્ટી નિધિએ  પ્રથમ ક્રમ, કાવ્ય લેખન સ્પર્ધામાં તાઈ ઈસ્માઈલ ઈમરાને દ્વિતીય ક્રમ, તથા સર્જનાત્મક કારીગીરીમાં 6 થી 14 વયજૂથમાં ટંડેલ ભવમે દ્વિતીય ક્રમ, 15 થી 20 વયજૂથમાં ભારતી પ્રહસે દ્વિતીય ક્રમ, લોકવાર્તા સ્પર્ધામાં રૂદાણી ત્રિશાએ તૃતીય ક્રમ પ્રાપ્ત કરી શાળાનું નામ રોશન કર્યું છે. પ્રથમ ક્રમ પ્રાપ્ત કરનાર ત્રણેય વિદ્યાર્થીઓ આગામી સમયમાં યોજાનાર  ઝોન કક્ષાની સ્પર્ધામાં ભાગ લેશે.

TST (પ્રખરતા શોધ) પરીક્ષા

 

TST (પ્રખરતા શોધ) પરીક્ષા

ગુજરાત માધ્યમિક શિક્ષણ બોર્ડ ગાંધીનગર દ્વારા ધોરણ 9 ના વિદ્યાર્થીઓની પ્રતિભા બહાર લાવવા તારીખ 3/ 1 /25 ના રોજ TST (પ્રખરતા શોધ) કસોટી યોજાઈ હતી, જેમાં રાજ્યના પ્રથમ 1,000 વિદ્યાર્થીઓની યાદીમાં શાળાના ચાર વિદ્યાર્થીઓએ ઉત્કૃષ્ટ દેખાવ કર્યો. રારાવીકર યશશ્રી ગુરુદત્ત 99.85 PR સાથે જિલ્લામાં તૃતીય ક્રમ પ્રાપ્ત કર્યો હતો, જ્યારે ચૌધરી મીત કરમશીભાઈએ 99.58 PR સાથે જિલ્લામાં આઠમો ક્રમ પ્રાપ્ત કર્યો તથા પરમાર યશ જયેશભાઈએ 99.53 PR સાથે જિલ્લામાં 10મો ક્રમ અને ભારતી પ્રહસ સુનિલભાઈએ 98.95 PR સાથે જિલ્લામાં 18મો ક્રમ પ્રાપ્ત કરી શાળાનું ગૌરવ વધાર્યું છે.આ દરેક વિદ્યાર્થીઓને  ₹1000  પુરસ્કાર સ્વરૂપે તથા પ્રમાણપત્ર પ્રાપ્ત થયાં હતા.

ઇનામ વિતરણ અને સાંસ્કૃતિક સમારોહ

 

ઇનામ વિતરણ અને સાંસ્કૃતિક સમારોહ

તારીખ 3/ 1/ 2025 ના રોજ શાળાના જોખી કલ્ચરલ હોલમાં ઇનામ વિતરણ અને સંસ્કૃતિ કાર્યક્રમ યોજાયો હતો. આ કાર્યક્રમની ઉજવણી સમારોહના પ્રમુખ શાળાના જ ભૂતપૂર્વ વિદ્યાર્થી અને નવસારીના જાણીતા કાડિયાક   સર્જન ડોક્ટર જેવીન જામેરીયાની અધ્યક્ષતામાં થઈ હતી. અતિથિ  વિશેષ તરીકે શાળાને રાજ્યકક્ષાથી શ્રેષ્ઠ શાળા તરીકે નામના અપાવનાર તેમજ શ્રેષ્ઠ શિક્ષકનો એવોર્ડ વિજેતા એવા ભૂતપૂર્વ આચાર્ય મે.ડોલી દેસાઈ મેડમ, શાળાના લોકલ કમિટી મેમ્બર્સ ઉમાબેન ભટ્ટ તથા યોગેશભાઈ નાયક હાજર રહ્યા હતા. ભગિની સંસ્થાના આચાર્ય  પઉરૂચિસ્તી  કડોદવાલા,દિપિકાબેન પટેલ, પિન્કીબેન પટેલ ઉપસ્થિત રહી સમારંભની શોભા વધારી હતી. કાર્યક્રમની શરૂઆત સુંદર પ્રાર્થનાથી થઈ હતી.પ્રાર્થના બાદ સ્વાગત નૃત્ય દ્વારા મહેમાનોનું સ્વાગત કરવામાં આવ્યું. દીપ પ્રાગટ્ય દ્વારા કાર્યક્રમને ખુલ્લો મુકવામાં આવ્યો. શાળાના શિક્ષક હોસંગ વાંદરીવાલાએ મહેમાનોનો શાબ્દિક પરિચય આપ્યો. તથા શાળાના આચાર્ય અમીશ મહેતાએ સ્મૃતિભેટ તથા પુષ્પગુચ્છ દ્વારા મહેમાનોને આવકાર્યા. શાળાના આચાર્ય દ્વારા પ્રાસંગિક ઉદબોધન કરવામાં આવ્યું. સાયરસ વાંદરીવાલાએ શાળાનો વાર્ષિક અહેવાલ રજૂ કર્યો. સમારોહના  પ્રમુખ ડો. જેવીન જામેરીયાએ પોતાના વક્તવ્યમાં જણાવ્યું કે,આ સ્કૂલના ટીચરોની અથાગ  મહેનતના પરિણામ સ્વરૂપ હું આજે આ સ્ટેજ પર ઉભો રહી શક્યો છું. ત્યારબાદ શાળાના ભૂતપૂર્વ આચાર્ય ડોલી મેડમે  પોતાના વક્તવ્યમાં પોતાના કાર્યકાળ  દરમિયાન તેમના શાળા સાથેના ભૂતકાળના સંસ્મરણો તાજા કર્યા. અને આ શાળા ઉત્તરોઉત્તર પ્રગતિ સાધે તે માટે સુભાષિશ પાઠવ્યા. અતિથિ વિશેષશ્રીઓ  યોગેશભાઈ નાયક તથા ઉમાબેન ભટ્ટે પણ સમગ્ર કાર્યક્રમ માટે પોતાની શુભેચ્છાઓ પાઠવી હતી. ઉપસ્થિત મહેમાનોના હસ્તે શાળાના તેજસ્વી તારલાઓને ઇનામ અને મેડલ આપી બીરદાવામાં  આવ્યા હતા.સર જમશેદજી

જીજીભોયની   પરંપરાને જાળવનાર દરિયાદિલ મેનેજમેન્ટ શાળાના કર્મચારીગણને  શાળાના 15 વર્ષ પૂર્ણ થતા સિલ્વર મેડલ અને 25 વર્ષ પૂર્ણ થતાં  ગોલ્ડ મેડલ આપી સન્માને છે. શાળાના શિક્ષક રાજેશભાઈ પટેલ તથા ઉદયભાઇ ગાંધીને ગોલ્ડ મેડલથી તેમજ શાળાની શિક્ષિકા હીનાબેન શર્માને સિલ્વર મેડલ આપી નવાજવામાં આવ્યા. વિવિધ સહઅભ્યાસિક પ્રવૃત્તિઓમાં ઉત્કૃષ્ટ દેખાવ કરનાર અને શાળાને રાજ્યકક્ષાએ સિદ્ધિ  અપાવનાર વિદ્યાર્થીઓને મોમેન્ટો આપી સન્માનવામાં આવ્યા. શાળાના  શિક્ષકોની વર્ષ

દરમિયાનની વિશેષ કામગીરી તેમજ તેમના યોગદાનને પણ મોમેન્ટોથી સન્માનવામાં આવ્યા. ઇનામ વિતરણની સાથે થીમ ડાન્સ અને ટિપ્પણી   નૃત્યની રજુઆતે હોલમાં ઉપસ્થિત સૌના દિલ જીતી લીધા. સમગ્ર કાર્યક્રમનું સંચાલન હોસંગ  વાંદરીવાલા તથા શ્રીમતી દિવ્યા પરમાર દ્વારા થયું . અવિસ્મરણીય સંભારણા સાથે આ વર્ષનો શાળાનો કાર્યક્રમ સંપન્ન થયો.

વાર્ષિક રમતોત્સવ

 

વાર્ષિક રમતોત્સવ

                  

 

     Winning is not everything but Wanting to win is.  આ પ્રખ્યાત યુક્તિને ચરિતાર્થ કરવાના પ્રયત્નોના ભાગરૂપે તેમજ શાળામાં વિદ્યાર્થીઓમાં શિક્ષણની સાથે સાચી ખેલભાવના વિકસે, વિદ્યાર્થીઓ  માનસિક અને શારીરિક બંને રીતે તંદુરસ્ત રહે, જીવનમાં જીત અને હાર બંનેને એક સરખી રીતે જોતા શીખે તેવા વિવિધ હેતુઓ સાથે શેઠ આર.જે. જે. હાઈસ્કૂલમાં તારીખ 27 અને 28 ડિસેમ્બરના રોજ શાળાકીય વાર્ષિક રમતોત્સવનું  આયોજન થયું. કબડ્ડી, ખો ખો, રસ્સાખેંચ   જેવી સાંગીક રમતોની સાથે સાથે બેડમિન્ટન, લીંબુ ચમચી કોથળાદોડ જેવી રમતો દ્વારા વિદ્યાર્થીઓને રમતો પ્રત્યે પ્રેરિત કરવાનો પ્રયત્ન થયો. બે દિવસીય આ રમતોત્સવના ઉદ્ઘાટન પ્રસંગે ખાસ ઉપસ્થિત રહેતા  આ જ શાળાના ભૂતપૂર્વ વિદ્યાર્થી તેમજ નવસારીના ખૂબ જાણીતા દંતચિકિત્સકો પૈકીના એક ડો. અંકિત દેસાઈએ શાળાકીય  રમતોત્સવ ખુલ્લો મુકવાની સાથે પોતાના પ્રાસંગિક ઉદબોધનમાં  પોતાના વિદ્યાર્થીકાળ દરમ્યાનના આ શાળાના શાળા સાથે સંકળાયેલા  તેમના ઘણા સંસ્મરણો  વિદ્યાર્થીઓ વચ્ચે રજૂ કર્યા અને પોતાનામાં શિસ્ત,નૈતિકતા, સહનશીલતા  જેવા ઘણા બધા ઉમદા ગુણો આ જ શાળામાંથી મને પ્રાપ્ત થયા છે એવું જણાવ્યું. તેમણે રમતોના સંદર્ભમાં ભારપૂર્વ કહ્યું કે,જેટલી તમે જીતને માણસો તે જ રીતે હારને પણ પચાવશો તો જ તમે જીવનમાં આગળ વધી શકશો. અંતમાં તમામ વિદ્યાર્થીઓ માટે પૌષ્ટિક અલ્પાહારની પણ વ્યવસ્થા કરવામાં આવી.ખૂબ જ તંદુરસ્ત અને પ્રફુલિત  વાતાવરણમાં આ વર્ષનો શાળાકીય રમતોત્સવ  પૂર્ણ થયો.

તાલુકા કક્ષા કલા મહાકુંભ સ્પર્ધા - 2024

 

તાલુકા કક્ષા કલા મહાકુંભ સ્પર્ધા  - 2024

જિલ્લા યુવા અને સાંસ્કૃતિક પ્રવૃત્તિઓની કચેરી નવસારી દ્વારા આયોજિત  તાલુકા કક્ષા કલા મહાકુંભ સ્પર્ધા તારીખ 24/12/24 ને મંગળવાર ના રોજ બાઈ નવાજ બાઈ  ટાટા ઇંગ્લીશ મીડીયમ સ્કુલ નવસારી ખાતે યોજાઇ હતી.  જેમાં શેઠ આર.જે. જે. હાઈસ્કૂલે 15 થી 20 વય જૂથની વિવિધ સ્પર્ધાઓ પૈકી નિબંધ સ્પર્ધામાં 11 સાયન્સની વિદ્યાર્થીની સુરતી આશિયાના મેજરબાને પ્રથમ ક્રમ તથા એકપાત્રીય અભિનય સ્પર્ધામાં પણ 11 સાયન્સની વિદ્યાર્થીની મહેતા રાજવી કિન્નરભાઈ એ પ્રથમ ક્રમ પ્રાપ્ત કરી શાળાનું નામ રોશન કર્યું હતું.આ બંને વિદ્યાર્થીનીઓ  આગામી સમયમાં જિલ્લા કક્ષાએ થનાર સ્પર્ધામાં ભાગ લેશે.  વિશેષ ગૌરવની બાબત તો એ હતી કે, 21 થી 59 વય  જૂથમાં યોજાયેલ વિવિધ સ્પર્ધાઓ પૈકી એકપાત્રીય અભિનય સ્પર્ધામાં શાળાના આચાર્યશ્રી   અમીષ  ભુપેન્દ્ર મહેતાએ  તૃતીય ક્રમ પ્રાપ્ત કરી શાળાને ગૌરવ અપાવ્યું હતું .  સિદ્ધિ પ્રાપ્ત કરનાર તમામ વિદ્યાર્થીઓને શાળાના આચાર્યશ્રી અમિષ મહેતા, મેનેજમેન્ટ તથા શાળા પરિવાર તરફથી ખુબ ખુબ અભિનંદન પાઠવવામાં આવ્યા હતા.

સ્ટેમ્પ ક્વિઝ 3.0 માં સ્કૂલની સિધ્ધિ

 

સ્ટેમ્પ ક્વિઝ 3.0 માં સ્કૂલની સિધ્ધિ

ગુજરાત કાઉન્સિલ સાયન્સ એન્ડ ટેકનોલોજી ડિપાર્ટમેન્ટ દ્વારા આયોજિત ઝોન  કક્ષાની સ્ટેમ્પ ક્વિઝ 3.0 સ્પર્ધા તારીખ 23 /12 /2024 ને સોમવારના રોજ સુરત મુકામે યોજાઇ હતી. જેમાં શેઠ આર.જે. જે. હાઈસ્કૂલના  કુલ સાત વિદ્યાર્થીઓ પ્રિલિમનરી  ટેસ્ટમાં પસંદગી પામ્યા હતા. જે પૈકી નવસારી તાલુકામાંથી બીજા  ક્રમે પસંદગી પામેલ 11 સાયન્સની વિદ્યાર્થીની શ્રેયા ગજ્જર તથા જલાલપોર તાલુકામાંથી પસંદગી પામેલ  ધોરણ 10A નો વિદ્યાર્થી  વઘાસીયા પ્રશિલ  અને ધોરણ  9B નો વિદ્યાર્થી સુખડિયા જય તાલુકા પ્રમાણે ટોપ -4 માં પસંદગી પામ્યા છે. આ વિજેતા થયેલ તમામ વિદ્યાર્થીઓને  પ્રમાણપત્ર એનાયત કરવામાં આવ્યા હતા. અને હવે પછી ઇનામો આપવામાં આવશે. આ તમામ વિદ્યાર્થીઓ ઉત્કૃષ્ટ દેખાવ સાથે જિલ્લામાં વિજેતા બની હવે આગામી સમયમાં અમદાવાદ સાયન્સ સીટી મુકામે યોજાનાર ગ્રાન્ડફિનાલે  સ્પર્ધામાં ભાગ લેશે. જે ખરેખર ખૂબ જ ગૌરવની બાબત કહી શકાય. વિજેતા તમામ વિદ્યાર્થીઓને શાળાના આચાર્યશ્રી અમિષ મહેતા તથા શાળા પરિવાર તરફથી ખૂબ ખૂબ  અભિનંદન પાઠવવામાં આવ્યા હતા.અને આગામી સમયમાં યોજાનાર ગ્રાન્ડફિનાલે  સ્પર્ધા માટે શુભેચ્છા પાઠવવામાં આવી હતી .

સ્વામી વિવેકાનંદ ક્વિઝ સ્પર્ધા

 

સ્વામી વિવેકાનંદ ક્વિઝ સ્પર્ધા

19/12/2024 ને ગુરુવાર ના રોજ એમ. એન. વિદ્યાલય ખડસુપા ખાતે 13મી રાજ્ય સ્તરીય સ્વામી વિવેકાનંદ વિષય ક્વિઝ સ્પર્ધા  યોજાઇ હતી. આ સ્પર્ધામાં  માધ્યમિક વિભાગમાં ધોરણ 10 અ  માં અભ્યાસ કરતો  વિદ્યાર્થી ઝેનીલ હેમંતભાઈ પટેલે  જિલ્લા કક્ષાની સ્પર્ધામાં દ્વિતીય સ્થાન પ્રાપ્ત કરી શાળાનું નામ રોશન કર્યું છે. આ વિદ્યાર્થી રામકૃષ્ણ આશ્રમ રાજકોટ મુકામે આયોજિત રાજ્ય કક્ષાના પુરસ્કાર વિતરણ સમારોહમાં પુરસ્કાર પ્રાપ્ત કરશે. તેમને મોમેન્ટો, પ્રશસ્તિ  પત્ર,તથા સ્વામી વિવેકાનંદ પુસ્તકોનો સેટ આપી સન્માનિત કરવામાં આવશે. આ સ્પર્ધામાં  શાળાના 215 વિદ્યાર્થીઓએ ભાગ લીધો હતો. જે બદલ શાળાને પુસ્તકોનો સેટ અને સ્મૃતિચિન્હ આપવામાં આવ્યા.

પારસી હોસ્પિટલની શૈક્ષણિક મુલાકાત

 

પારસી હોસ્પિટલની શૈક્ષણિક મુલાકાત

તારીખ 17 /12/ 24 ને મંગળવારના રોજ શાળાના 12 સાયન્સના 40 વિદ્યાર્થીઓ અને ચાર શિક્ષકોએ નવસારી ખાતે આવેલી પ્રખ્યાત ડી.એન. મહેતા પારસી સાર્વજનિક હોસ્પિટલની શૈક્ષણિક મુલાકાત લીધી હતી. હોસ્પિટલના PRO દ્વારા શાળાના વિદ્યાર્થીઓને અને શિક્ષકોને આવકાર આપવામાં આવ્યો હતો. ત્યારબાદ સામાન્ય સમજણ આપ્યા બાદ વિદ્યાર્થીઓ અને શિક્ષકોના ગ્રુપને બે વિભાગમાં વહેંચી હોસ્પિટલના વિવિધ વિભાગો બતાવવામાં આવ્યા. હોસ્પિટલનો OPD વિભાગ, X-RAY લેબ, જનરલ વોર્ડ,સ્પેશિયલ વોર્ડ આઈ.સી.યુ, અને ઓપરેશન થિયેટર ફિઝિયોથેરાપી વિભાગમાં ચાલતી કાર્યવાહીની સમજ ખૂબ જ સુંદર રીતે સમજ આપવામાં આવી હતી.ત્યારબાદ હોસ્પિટલના સોનોગ્રાફી વિભાગમાં સોનોગ્રાફી કેવી રીતે થાય તે પ્રત્યક્ષ વિદ્યાર્થીઓ પર દર્શાવ્યું તેમજ સીટી સ્કેન વિભાગમાં દર્દીઓને આધુનિક 16 Slice સીટી સ્કેન મશીન દ્વારા દર્દીના આંતરિક અવયવની જાણકારી કેવી રીતે મળે તે રેડિયોલોજી વિભાગમાં દર્શાવ્યો હોસ્પિટલના કેસ વિભાગ મેડીક્લેમ વગેરે વિભાગોની જાણકારી તેમજ ઓક્સિજન પ્લાન્ટ સાધનોની જાળવણી પેથોલોજી લેબોરેટરી અને હોસ્પિટલનો બાયો વેસ્ટ નો નિકાલ કઈ રીતે કરાય તેની જાણકારી વિદ્યાર્થીઓને આપવામાં આવી ત્યારબાદ સરસ અલ્પાહાર અને જાણે વ્યવસ્થા કરવામાં આવી સૌ બાળકો હોસ્પિટલના મેનેજમેન્ટનો આભાર માનીએ છૂટા પડ્યા.

પ્રભુ મહાવીરના જીવન ઉપરની નિબંધ સ્પર્ધામમાં મળેલ સિદ્ધિ

 

પ્રભુ મહાવીરના જીવન ઉપરની નિબંધ સ્પર્ધામમાં મળેલ સિદ્ધિ

પ્રભુ મહાવીરના 2050 માં નિર્માણ વર્ષ નિમિત્તે સમગ્ર ગુજરાતની શાળાઓના વિદ્યાર્થીઓને પ્રભુ મહાવીરના જીવનનો પરિચય કરાવતી રાજ્ય કક્ષાની નિબંધ સ્પર્ધામાં નવસારી જિલ્લાની વિવિધ શાળાઓમાંથી મોકલવામાં આવેલા આશરે 400 થી વધુ નિબંધો માંથી નવસારીની શેઠ આર. જે. જે.હાઈસ્કૂલમાં ધોરણ:9 માં અભ્યાસ કરતી વિદ્યાર્થીની યશશ્રી રારાવીકરે લખેલો નિબંધ સમગ્ર જિલ્લામાં શ્રેષ્ઠ નિબંધ તરીકે પસંદગી પામ્યો હતો.તારીખ 30 -11-2024 ના રોજ અમદાવાદ મુકામે યોજાયેલા ભવ્ય ઇનામ વિતરણ સમારંભમાં  શ્રીમદ યોગ તિલક સુરીશ્વરજી  મહારાજશ્રીની પાવન નિશ્રામા અને અમદાવાદના માનનીય મેયર શ્રીમતી પ્રતિભાબેન જૈનની વિશેષ ઉપસ્થિતિમાં તેમના સમાજશ્રેષ્ઠિઓના  હસ્તે કુમારી યશશ્રીને સુંદર પ્રમાણપત્ર તેમજ રૂપિયા 12,500 નો રોકડ પુરસ્કાર ( ચેક) અને શાળાના આચાર્યશ્રીને ઉત્કૃષ્ટ કામગીરી માટે સુંદર મોમેન્ટો અર્પણ કરવામાં આવ્યા હતા.કુમારી યશશ્રીની આ વિશેષ  સિદ્ધિ માટે શાળાના આચાર્યશ્રી અમિષ મહેતા,  શાળા મેનેજમેન્ટ અને શાળા પરિવાર ખુબ ખુબ અભિનંદન અને શુભેચ્છાઓ પાઠવી હતી.

જિલ્લા કક્ષા કલા ઉત્સવ 2024- 25

 

જિલ્લા કક્ષા કલા ઉત્સવ 2024- 25

             એન.સી.ઈ.આર.ટી ન્યુ દિલ્હી સમગ્ર શિક્ષા કચરી ગાંધીનગર, જિલ્લા શિક્ષણ અધિકારીની કચેરી નવસારી આયોજિત જિલ્લા કક્ષા કલા ઉત્સવ 2024 -25 ની વિવિધ સ્પર્ધાઓનું આયોજન કરવામાં આવ્યું હતું. જેમાં શાળાની ધોરણ 9A માં અભ્યાસ કરતી વિદ્યાર્થીની રારાવીકર યશશ્રી ગુરુદત્તે થિયેટર ડ્રામા વિભાગમાં એકપાત્રીય અભિનયમાં પ્રથમ ક્રમ પ્રાપ્ત કર્યો હતો.તેમજ ધોરણ 10 માં અભ્યાસ કરતા માણસોરીયા કશ્યપ પ્રિતેશભાઈએ વાદ્ય સંકેત વિભાગમાં ઢોલક વાદનમાં તૃતીય ક્રમ પ્રાપ્ત કરી શાળાનું ગૌરવ વધાર્યું હતું.રારાવીકર યશશ્રી હવે ઝોન કક્ષામાં ભાગ લેશે.

નેશનલ સાયન્સ સેમિનાર

 

નેશનલ સાયન્સ સેમિનાર

નેશનલ સાયન્સ સેમિનાર  સંચાલિત અમદાવાદ સાયન્સ સીટી મુકામે બુધવાર તારીખ 23/ 10/ 2024 ના રોજ યોજાયો હતો. જેમાં શાળાની ધોરણ:9 ની વિદ્યાર્થીની યશશ્રી રારાવીકર એ ભાગ લીધો હતો.આ વિદ્યાર્થીનીએ ખૂબ જ સુંદર પોતાનું વક્તવ્ય PPT મારફતે આપ્યું હતું.શાળાના આચાર્યશ્રી તથા વિજ્ઞાન શિક્ષકોએ ખૂબ જ સારી મહેનતને લીધે વિદ્યાર્થીઓને રાજ્યકક્ષાની સ્પર્ધામાં ભાગ લેવા નસીબદાર બનાવી હતી.

 

ઝોન કક્ષા યુવા ઉત્સવ -2024

 

ઝોન કક્ષા યુવા ઉત્સવ -2024

રમતગમત યુવા અને સાંસ્કૃતિક પ્રવૃત્તિઓ ગાંધીનગરના ઉપક્રમે જિલ્લા યુવા અને સંસ્કૃતિ પ્રવૃત્તિઓની કચેરી દ્વારા તારીખ 4/ 10/ 24 અને 5 /10/ 24 દરમિયાન ઝોન કક્ષા યુવા ઉત્સવ 2024-25 અંકલેશ્વર એફ.ડી. ડી. આઈ ઇન્સ્ટિટયૂટ ખાતે યોજાયો હતો. જેમાં શાળાની ધોરણ 10 માં અભ્યાસ કરતી વિદ્યાર્થીની શાહ રેના  પરેશભાઈએ લોકવાર્તા સ્પર્ધામાં પ્રથમ ક્રમ પ્રાપ્ત કર્યો હતો. તેમાં ધોરણ 12 વિજ્ઞાન પ્રવાહમાં અભ્યાસ કરતા વંશ અનિલભાઈ ટંડેલ એ સર્જનાત્મક કારીગરી ખુલ્લા વિભાગમાં પ્રથમ ક્રમ પ્રાપ્ત કર્યો હતો. તથા ધોરણ 10 માં અભ્યાસ કરતી હેલી હેમલ ભટ્ટ એકપાત્રીય અભિનયમાં તૃતીય ક્રમ પ્રાપ્ત કરી શાળાનું ગૌરવ વધાર્યું હતું.ઝોન કક્ષાએ પ્રથમ ક્રમ પ્રાપ્ત કરનાર શાહ રેના અને વંશ ટંડેલ  રાજ્યકક્ષાની સ્પર્ધામાં ભાગ લેશે.

સંકુલ કક્ષાનો કલા ઉત્સવ

 

સંકુલ કક્ષાનો  કલા ઉત્સવ

જિલ્લા શિક્ષણ અને તાલીમ ભવન નવસારી દ્વારા આયોજિત સંકુલ કક્ષાનો કલાઉત્સવ તારીખ 25/9/2024 ને બુધવારના રોજ આર. કે.જી. સ્વામિનારાયણ હાઈસ્કૂલ ઇટાળવા  નવસારી ખાતે યોજાયો હતો. જેમાં શેઠ આર.જે. જે. હાઈસ્કૂલે "ગરવી ગુજરાત "થીમ આધારિત યોજાયેલ વિવિધ સ્પર્ધાઓ પૈકી ચિત્ર સ્પર્ધા તથા બાળકવિ સ્પર્ધામાં ભાગ લીધો હતો.  જે પૈકી માધ્યમિક વિભાગમાં ચિત્રકલા સ્પર્ધામાં જેઠવા પરમ ઘનશ્યામકુમારે દ્વિતીય ક્રમાંક , તથા ઉચ્ચતર માધ્યમિક વિભાગમાં બાળકવિ સ્પર્ધામાં તાઈ ઈસ્માઈલ ઇમરાન પણ દ્વિતીય ક્રમ  પ્રાપ્ત કરી શાળાનું નામ રોશન કર્યું છે. આ બંને વિદ્યાર્થીઓને જરૂરી માર્ગદર્શન  શાળાની શિક્ષિકાઓ દ્વારા પૂરું પાડવામાં આવ્યું હતું . સિદ્ધિ પ્રાપ્ત કરનાર બંને  વિદ્યાર્થીઓને શાળાના આચાર્યશ્રી અમિષ મહેતા, મેનેજમેન્ટ તથા શાળા પરિવાર તરફથી ખુબ ખુબ અભિનંદન પાઠવવામાં આવ્યા હતા.